Shkup, 7 maj – Instituti për demokraci “Societas Civilis”-Shkup (IDSCS), në bashkëpunim me Institutin për politika evropiane nga Berlini sot organizojnë panel diskutimin “Sundimi i ligjit dhe procesi i inkuadrimit në BE – sfida dhe mundësi për vendet kandidate dhe për BE-në”.
Siç informojnë nga IDCSC, ngjarja organizohet në kuadër të projektit RESILIO-ACCESS, që ka për qëllim ta analizojë dhe matë qëndrueshmërinë e sundimit të ligjit, përkatësisht kapacitetin e institucioneve jo vetëm të mbesin funksionale dhe të pavarura, por edhe të reagojnë në mënyrë efektive, të drejtë dhe në pajtim me ligjet kur përballen me ndikim politik, kriza institucionale, korrupsion ose përpjekje për të shkelur autonominë dhe integritetin e tyre.
“Rezistenca nënkupton jo vetëm ekzistim formal të ligjeve dhe institucioneve, por edhe aftësinë e tyre thelbësore ta mbrojnë demokracinë, të drejtat e njeriut dhe sigurinë juridike, madje edhe kur sistemi është nën presion serioz”, theksojnë nga IDSCS.
Folës në panel diskutim do të jenë prof.dr Funda Tekin nga Instituti për politika evropiane nga Berlini, prof.dr. Bogdan Veselovski nga Universiteti “Taras Shevçenko” në Kiev, prof. dr. Marko Krtolica nga Fakulteti Juridik “Justiniani i Parë”-Shkup dhe dr. Simonida Kacarska nga Instituti për politika evropiane në Shkup.
Panel diskutimi është pjesë e konferencës treditëshe të projektit RESILIO-ACCESS, që mbahet në Shkup.
