Shkup, 15 prill – Komisioni Shtetëror për Parandalimin e Korrupsionit (KSHPK) ka konstatuar një sërë mangësish në Ligjin për veprimtari hotelierike. Analizën e ka bërë me iniciativë të tij, pas tragjedisë në Koçan ku humbën jetën 61 persona.
Regjistrimi i personave fizik në Regjistrin për kryerjen e veprimtarive hotelierike pa verifikim paraprak nga organi kompetent për përmbushjen e kërkesave minimale-teknike është vetëm një nga dobësitë e vërejtura nga KSHPK. Sipas Komisionit, rreziku rregullator vërehet edhe në lidhje me verifikimin e kushteve për kryerjen e aktiviteteve hotelierike, në procedurën dhe kushtet për dhënien e licencës, sa i përket gjobave, ndërsa nuk është e qartë se cilat aktivitete shtesë përveç hotelierisë janë të përfshira me Ligjin.
“Në nenin 4a, paragrafi 2, kemi identifikuar një rrezik rregullator – dispozita lejon regjistrimin e personave fizik në Regjistrin për kryerjen e veprimtarive hotelierike pa verifikim paraprak nga një autoritet kompetent për përmbushjen e kërkesave minimale teknike; mjafton që personi thjesht të paraqesë një kërkesë në ISHT pa detyrimin që autoriteti kompetent të verifikojë saktësinë e deklaratave. Rreziku është në atë që procedura është zyrtarisht e përfunduar pa konfirmim real për përmbushje të kushteve, gjë që krijon një boshllëk ligjor për shkak të mungesës së detyrimit për mbikëqyrje kontrolli para regjistrimit dhe hap hapësirë për raporte deklarative, që në praktikë nënkupton leje për të kryer një veprimtari pa verifikim real, që mund të ketë pasoja për shëndetin dhe sigurinë e mysafirëve. KSHPK rekomandon që në Ligjin të parashikohet detyrimi për dorëzimin e pëlqimit me shkrim nga ISHT ose një autoritet tjetër kompetent, me të cilin do të konfirmohet përmbushja e kërkesave minimale-teknike përpara regjistrimit në regjistër. Duhet të parashikohet obligim për ISHT-në që të bëjë inspektim në afat të caktuar, shembull 15 ditë, si dhe sanksione në rast të raportimit të rrejshëm, duke përfshirë mundësinë e gjobës ose revokimit të miratimit, theksoi kryetarja e KSHPK-së, Tatjana Dimitrovska, e cila shpjegoi rezultatet e analizës së Ligjit.
Sa i përket dënimeve, në vend të masave të parapara inspektuese si paralajmërim, huamarrje ose ndalesë, është paraparë dorëzim i një ftese për edukim, e cila nuk është, tha Dimitrovska, në përputhje me procedurat ligjore në fuqi.
“Kjo krijon një konflikt juridik dhe çon në pasiguri juridike në veprimet e inspektorëve dhe lë hapësirë për aplikime të ndryshme arbitrare të kompetencave të inspektimit. Një rrezik rregullator është identifikuar edhe në fushën e dispozitave për kundërvajtje. Masa e gjobave nuk është në përpjesëtim me peshën e pasojave të mundshme, veçanërisht kur shkeljet kanë të bëjnë me mbrojtjen e jetës, shëndetit dhe sigurisë së njerëzve. Rekomandohet rishikimi i dispozitave për kundërvajtje për të siguruar proporcionalitet ndërmjet masës së gjobave dhe peshës së pasojave, veçanërisht për shkeljet që kanë të bëjnë me shëndetin dhe sigurinë e njerëzve. Duhet të aplikohet edhe gjoba e trefishtë për kundërvajtje të rënda, theksoi kryetarja e KSHPK-së, e cila poashtu potencoi se neni 59 i Ligjit për veprimtari hotelierike duhet të harmonizohet me nenin 82 të Ligjit për mbikëqyrjen inspektuese.
Konkluzioni i KSHPK-së është se Ligji për veprimtarit hotelierike përmban rreziqe të shumta rregullatore për shkak të procedurave jo mjaft të sakta, jo të plota dhe të rregulluara në mënyrë jokonsistente, mungesës së mekanizmave funksional të kontrollit dhe mundësisë së plotësimit deklarativ të kushteve pa verifikim faktik nga organi kompetent.
“Vërehen edhe mospërputhje juridike me ligjet tjera sistematike, në radhë të parë me Ligjin për Mbikëqyrjen Inspektuese dhe Ligjin për Kundërvajtje, gjë që sjell pasiguri juridike dhe zbatim të ndryshëm në praktikë. Këto dobësi normative krijojnë hapësirë për korrupsion, keqpërdorim të kompetencave diskrecionale dhe trajtim të pabarabartë të subjekteve të ndryshme në situata identike apo të ngjashme!, theksoi kryetarja.
Raporti për inspektimin e kryer me të cilin përveç Ligjit për veprimtari hotelierike janë të përfshirë edhe Ligji për mbrojtje dhe shpëtim, Ligji për mbikëqyrje inspektuese, Ligji për vetëqeverisjen lokale, Ligji për mbrojtje nga materiet shpërthyese dhe Ligji për qarkullimin e materieve shpërthyese, do të shpallet publikisht, por edhe do të dorëzohet deri te propozuesi, si dhe institucionet që i zbatojnë dhe rregullojnë këto ligje.
Në seancën e sotme të KSHPK-së e cila është në vijim, në rend dite janë edhe Raporti për shqyrtimin e kryer antikorrupsion të legjislacionit të Ligjit për qasje të lirë në informacione me karakter publik, si dhe Raporti për shqyrtimin e kryer antikorrupsion të legjislacionit të nenit 14 të Rregullores për mënyrën e kryerjes së përzgjedhjes gjatë vendosjes, si dhe gjatë avancimit dhe mënyrës së zbatimit të sistemit të karrierës së punëtorëve në Ministrinë e Punëve të Brendshme.
