Shkup, 15 prill – Sezoni i ngrohjes përfundon sot, por nga Komisioni rregullator për energjetikë thonë se temperaturat ndiqen në baza ditore dhe nëse është e nevojshme do të aktivizohet sistemi i ngrohjes.
Nga Komisioni rregullator për energjetikë, shërbime ujore dhe menaxhim të mbeturinave komunale (KRRE) informojnë se konform me Rregullat për furnizim me ngrohje dhe Sistemin tarifor të ngrohjes, sezoni i ngrohjes përfundon sot (15.04.2025) dhe fillon e ashtuquajtura periudhë kalimtare që zgjat deri më 30 prill.
“Nga nesër deri në fund të muajit prill, nëse temperatura mesatare e parashikuar e jashtme për ditën e nesërme është e barabartë ose më e vogël se 12 gradë Celsius, furnizuesi është i detyruar në hapësirat e ngrohjes nga ora 06:00 deri në orën 22:00 gjatë ditës të sigurojë temperaturë të ngrohjes prej 20+1 gradë Celsius”, thonë nga Komisioni rregullator energjetik.
