Shkup, 3 prill – Duhet të kontrollohet pasuria e të gjithë politikanëve, jo vetëm për 5 vitet e kaluara, por nga vitet e 90-ta e deri më tani, tha presidenti aktual Stevo Pendarovski në konventën për kandidat për president të shtetit, që u mbajt mbrëmë në Salla “Boris Trajkovski”. Pendarovski në fjalimin e tij para të pranishmëve tha se edhe një herë po kërkon besimin e qytetarëve, sepse pas emrit të tij nuk fshihet asnjë aferë, asnjë rast i korrupsionit, apo tenderë të manipuluar.
“Unë shoh që edhe opozita paralajmëron vetinh të politikanëve, ata kërkojnë që organet kompetente të hetojnë nëse ndonjëri prej nesh ka rritur në mënyrë disproporcionale pronën e tij. Unë e mbështes këtë propozim dhe shtoj edhe një paragraf, le të kontrollojmë pronën tonë dhe të njerëzve tanë të afërt jo vetëm në 5 vitet e fundit, por nga vitet ’90 e deri më tani. Të shohim kush do ta kalojë këtë test, ata që i shkelën sanksionet e OKB-së kundër Jugosllavisë në atë kohë dhe përvetësuan prona të nacionalizuara për vete pa ligj për nacionalizimin dhe kështu në mënyrë disproporcionale e shtuan pasurinë e tyre”, tha mes tjerash Pendarovski në fjalimin e tij.
