Shkup, 12 dhjetor – Nesër paradite do të ketë paraqitje të mjegullës nëpër lugina, ndërsa gjatë ditës do të mbajë mot me diell me vranësira të ulëta deri në mesatare, kumton DPHM.
Të shtunën pasdite, gjatë natës dhe të dielën nën ndikimin e valës së lagështisë moti do të jetë me vranësira të pjesshme me reshje të kohëpaskohshme të shiut, ndërsa të dielën dhe në disa nga viset më të larta reshjet do të jenë me borë. Të dielën pasdite dhe të hënën do të fryjë erë e fuqishme nga drejtimi verior.
