Koshat e mbetjeve në bulevardin Aqif Pasha, në afërsi të një supermarketi dhe tek kryqëzimi i 1 Majit, në qytetin e Elbasanit, janë përfshirë nga flakët njëri pas tjetrit, mbrëmjen e kësaj të Martë.
Zjarret dyshohet se janë të qëllimshme. Flakët u përhapën me shpejtësi, duke shkaktuar shtëllunga tymi, të cilat krijuan shqetësim tek banorët e zonës.
Në vendngjarje mbërritën zjarrfikësit, të cilët neutralizuan dhe fikën flakët. Ende nuk dihen shkaqet e vërteta të zjarrit.
Një nga pikat kryesore është edhe zjarrvënia e qëllimshme, dhe pamjet e kamerave të sigurisë po shqyrtohen për të identifikuar autorët e dyshuar të zjarrvënies.
