Shkup, 14 shkurt – Në thirrjen e dytë për ndarjen e ndihmës financiare për komunat për realizimin e projekteve infrastrukturore deri në ditën e djeshme janë dorëzuar rreth 20-të formularë për aplikim për 20-të projekte nga tre vetëqeverisje lokale, bëri të ditur, ministri i Vetëqeverisjes Lokale Zllatko Perinski.
Sipas tij tani më komunat kanë përvojë nga thirrja e parë dhe do t’i shmangin problemet me të cilat u ballafaquan më herët.
“Kjo është mirë sepse vetëqeverisjet lokale duhet të plotësojnë formularët e aplikimit dhe të rregullojë të gjithë dokumentacionin për të aplikuar. Vetëm ditën e parë kemi pranuar rreth 20 aplikime, që është vërtet mirë dhe tregon se kryetarët e komunave kanë qenë të përgatitur për thirrjen e dytë publike”, tha Perinski.
Ai ju bëri thirrje të gjithë komunave që të shfrytëzojnë këtë mundësi.
Komunat mund të aplikojnë me disa projekte infrastrukturore në fushën e kulturës, sportit, mjedisit, infrastrukturës rrugore, si dhe në fushën e politikës sociale dhe arsimit, edhe atë jo më vonë se më 30 prill 2025. Në shpalljen e parë të Qeverisë aplikuan 80 komuna me 357 projekte.
Komisioni vlerësoi se 77 komuna kanë plotësuar kushtet, me çka do të financohen 274 projekte ku vlera totale e projekteve është 65 milionë euro.
