Policia ka dhënë detaje për aksidentin me fatalitet që ndodhi ditën e enjte në fshatin Keqekollë të Prishtinës.
Në aksidentin mes autobusi dhe një veture, mbeti i vdekur një person si dhe u lënduan 14 tjerë.
“Është raportuar se ka ndodhur aksident trafiku në mes një veture me vozitës mashkull kosovar dhe një autobusi. Si pasojë përveç dëmeve materiale lëndime trupore kanë pësuar disa persona /pasagjerë dhe vozitësi i veturës i cili nga plagët e rënda ka ndërruar jetë”, thuhet në njoftim.
Policia po ashtu ka njoftuar se të lënduarit kanë pranuar tretman mjekësor dhe më pas janë liruar në shtëpi, ndërsa me vendim të prokurorit trupi i pajetë është dërguar në IML për obduksion.
