Kryetari i Partisë Demokratike Sali Berisha gjatë një konference sot me gazetarët tha se programi ekonomik i PD, një tjetër shtyllë themelore që ka është prodhimi “Made in Albania”.
“Shtyllë e cila ka qëllime kryesore, prodhimin, prodhimin, prodhimin. Që do të thotë punësim, punësim, punësim për shqiptarët. Që do të thotë rritje rrogash, rritje rrogash, rritje rrogash për shqiptarët. Pra, ne do të bëjmë gjithçka për të ndezur fuqishëm motorët e sipërmarrjes së prodhimit në Shqipëri, me moton ‘Made in Albania’”, tha Berisha.
Sipas Berishës duke që “prodhimet shqiptare të mbushin tregun shqiptar dhe të vërshojnë në tregjet e tjera”.
“Për këtë qëllim ne jemi të zotuar të garantojmë konkurrueshmëri të ndershme, me ligj dhe të sigurtë. Të garantojmë nivelin më të ulët të taksave në Europë. Në këtë kuadër, do të zbatohet tatimi 10% mbi të ardhurat nga puna, duke përjashtuar 50 mijë lekët e para. Tatimi 10% mbi të ardhura të tjera, jo nga paga”, tha Berisha.
Berisha premtoi “zero taksim mbi profesionet e lira dhe biznesin e vogël”.
“Tavani vjetor për tatim fitim, zero për biznesin e vogël, do të jetë 18 milionë lekë, apo 500 euro në ditë. Kufiri i përjashtimit nga TVSH do të jetë po ashtu në masën 18 mln lekë xhiro vjetore, apo 500 euro në ditë. Ulje nga 15 në 2 % të taksës së shitje së pronës dhe për këtë qëllim krijimi i kadastrës fiskale për përcaktimin e çmimeve të referencës”, u shpreh Berisha.
