Shkup, 1 gusht – Prokuroria publike mbledh dokumentacion dhe bëhen biseda me persona të cilët mund të kenë njohuri për shkyçjen me energji elektrike të dhomave ku ruhen reagentët e testimit të sëmundjeve infektive dhe jo infektive në Institutin e Shëndetit Publik.
Siç informojnë nga Prokuroria, pas informatave në opinion se në Institutin e Shëndetit Publik dje qëllimisht është fikur energjia elektrike në dhomat ku ruhen reagentët e testimit të sëmundjeve infektive dhe jo infektive, Prokuroria Publike menjëherë ka formuar lëndë për të hetuar nëse në rastin konkret ka vepër penale.
“Për shkak të seriozitetit të pasojave të dëmshme të mundshme në shëndetin e njerëzve që mund të shkaktohen nga një veprim i tillë, si dhe për shkak të mundësisë që bëhet fjalë për krime kundër shtetit si sabotim, prokurorët publikë në detyrë nga Prokuroria Themelore Publike Shkup dhe Prokuroria Themelore Publike për Ndjekjen e Krimit të Organizuar dhe Korrupsionit, së bashku me hetuesit nga qendrat hetimore të prokurorisë, kanë dalë në vendngjarje dhe janë duke ndërmarrë veprimet hetimore”, thuhet në kumtesën e Prokurorisë.
Nga atje shtojnë se po mbledhin dokumentacionin, bëhen biseda me persona të cilët mund të kenë njohuri për ngjarjen dhe bëhen të gjitha kontrollet e domosdoshme, ndërsa për rrjedhën e veprimeve të ndërmarra opinioni do të informohet.
Drejtoresha e Institutit, Marija Andonovska, për MIA sot konfirmoi se po kontrollohet nëse ka reagentë të dëmtuar, pasi dje dikush i ka fikur frigoriferët në të cilat ruhen.
“Është e mundur që kjo të ketë ndodhur në periudhën nga ora 14:30 deri në 15:30. Frigoriferët dhe dhomat që kemi janë në hapësira të veçanta të mbyllura me çelës. Në këtë rast bëhet fjalë për një korridor të gjerë në të cilin ka laboratorë majtas dhe djathtas dhe në të cilin ka edhe tabela me siguresa për rrymë në frigoriferë. Fatmirësisht ne ishim ende në punë dhe pastruesja, e cila vjen pas largimit të punonjësve, ka vërejtur se ka problem me centralet, ka ngritur alarmin”, sqaroi drejtoresha në një deklaratë për MIA-n.
Aktualisht po hetohet nëse ka reagentë të shkatërruar, nga të gjithë po merren mostra, por ajo shpreson që të mos ketë dëme, pasi reagimi ka qenë shumë i shpejtë.
Sipas Andonovskës, është simptomatike, tha ajo, se janë përjashtuar vetëm ato që kanë të bëjnë me frigoriferët dhe dhomat, ku ruhen të gjithë reagentët për të gjithë vendin. Ajo shtoi se po ndërmerren masa të sigurisë për alarmim, ndërsa pas kësaj, ajo tha se do të kërkojë leje për vendosjen e kamerave nga MPB.
