Ylli i Përfaqësueses së Kosovës, Amir Rrahmani, duket se ka nisur një lidhje të re dashurie.
Ai u përfol për një romancë me modelen Drita Stubllën, marrëdhënie kjo që vjen pak muaj pas ndarjes nga Era Istrefi.
Dyshja siç shihet janë bashkë dhe kjo më së miri u konfirmua me një video të ndarë në TikTok.
Ata shihen së bashku derisa dalin nga makina, ku vërehet qartë se shoqërohen me njëri-tjetrin në çdo vend.
Megjithatë, lidhja e tyre nuk është bërë zyrtare në rrjete sociale nga vetë çifti.
Nga ana tjetër, Rrahmani po vazhdon të ketë paraqitje fantastike me fanellën e Napolit në Serie A ku është një titullar i padiskutueshëm.
30-vjeçari është shpallur dy vite më parë kampion i Italisë, derisa edhe këtë edicion janë në garë për pozitën e parë në Serie A.
Prishtinasi këtë edicion ka zhvilluar 16 ndeshje mes Serie A dhe Kupës së Italisë, ku ka bërë dy asistime.
