Gjermania vazhdimisht kërkon profesionistë të kualifikuar të huaj, por gjithashtu tërheq dhe ka nevojë për më shumë punëtorë sezonalë, veçanërisht gjatë sezonit turistik.
Meqenëse sezoni filloi në qershor, Studying-In-Germany, platforma më e madhe për informata mbi studimet në Gjermani, ka përgatitur një punim të hollësishëm për punësimin gjatë pushimeve për studentët e huaj. Kërkimi fokusohet në punët më të njohura dhe më të dobishme verore, pagat për punët sezonale, kushtet e vizave të punës për pushime dhe rregullat e tjera ligjore.
Rregulloret dhe kërkesat për vendet e Ballkanit Perëndimor:
Shtetasit e Republikës së Maqedonisë së Veriut dhe vendeve të tjera të Ballkanit Perëndimor (Shqipëri, Bosnje dhe Hercegovinë, Kosovë, Mal i Zi dhe Serbi) janë të kualifikuar për viza të përkohshme pune në Gjermani, falë Rregullorit për Ballkanin Perëndimor.
Që nga 1 qershori i këtij viti, Gjermania gjithashtu ka dyfishuar numrin e vizave vjetore të punës për Ballkanin Perëndimor në 50,000.
Kërkesat për studentët nga Republika e Maqedonisë së Veriut përfshijnë:
- Të kenë një kontratë pune ose një ofertë pune në Gjermani.
- Agjencia Federale për Punësim duhet të miratojë punën për të siguruar që nuk ka kandidatë të kualifikuar gjermanë ose të BE-së të disponueshëm për pozicionin (shqyrtim përparësor).
- Të mos kenë marrë asnjë përfitim sipas Ligjit për përfitime për kërkuesit e azilit në 24 muajt e fundit para aplikimit.
Studentët nga Maqedonia e Veriut dhe vende të tjera që dëshirojnë të kalojnë pushimet verore në Gjermani si punëtorë sezonalë mund të gjejnë punë në disa sektorë, duke përfshirë bujqësinë, turizmin, gastronominë, shitjen me pakicë dhe Au Pair. Në varësi të punës, pagat mesatare për orë mund të variojnë nga 12 deri në 20 euro.
Më shumë detaje mbi këtë temë mund të gjendet këtu: https://www.studying-in-germany.org/summer-jobs-in-germany/
