Shkup, 7 mars – Shtatë zjarre në ambient të hapur janë regjistruar në 24 orët e fundit, ndërsa zjarrëfikësit paralelisht kanë shuar zjarre edhe në vendbanime, kumtoi QMK-ja. Nga një zjarr ka pasur në Shkup dhe Veles, dy në Kumanovë dhe tre në Shtip.
Në rrethinën e Prilepit dhe Manastirit ka pasur probleme nga reshjet e mëdha të pardjeshme të shiut. QMK rajonale Manastir, njofton se pas paraqitjes së pranuar në numrin e emergjencës 112 për shtëpi dhe oborr të përmbytur në fshatin Peshtalevë, dje përsëri u kontaktua Komuna e Dollnenit, prej ku janë përgjigjur se kanë intervenuar me makinë ndërtimore dhe se do të intervenojnë sërish. Bëhej fjalë për përmbytje nga ujërat atmosferike, ose më saktë pamundësisë që të derdhet pas ndërtimit të rrugës.
QMK apelon dhe përkujton, se përveç asaj që mos të digjen bimë në ambient të hapur dhe pastrimit të rregullt të kanaleve lokale në përputhje me planin e tyre, të pastrohen dhe mirëmbahen kanalizimet brenda dhe jashtë zonave të banuara dhe natyrisht të mos hidhen mbeturina në kanale.
Të gjitha rastet emergjente raportohen në numrin e vetëm të urgjencës 112 të QKM-së, veçanërisht kur qytetarët kanë situata kërcënuese për jetën.
