Kreu i Prokurorisë së Posaçme SPAK Altin Dumani ka zhvilluar një mbledhje me Përfaqësuesit e misionit të Departamentit të Shtetit OPDAT dhe Ambasadës Amerikane në Këshillin e Lartë të Prokurorisë.
Dumani u shoqërua nga shefat e sektorit të SPAK, Prokurorët Klodian Braho i Korrupsionit dhe Adnan Xholi, i Krimit të Organizuar.
Kreu i SPAK, në fillim të fjalës së tij ka raportuar mbi ecurinë e punës përgjatë vitit 2024. Krahas kësaj, raporti vjetor është dorëzuar në Kuvend dhe të dhënat janë bërë me dije.
“Kemi shënuar arritje në luftën kundër korrupsionit dhe krimit të organizuar. Sipas raportit, hetimet nga kallëzimet e qytetarëve zënë rreth 37% të totalit krahasuar me vitin 2023. Numri i procedimeve të nisura është rritur në masën 36%.
Gjatë vitit 2024, Prokuroria ka asistuar punën e saj nga Shtetet e Bashkuara të Amerikës, BE-ja dhe Mbretëria e Bashkuar. Filozofia e SPAK ka ndryshuar nga vitet e mërparshme. Nga një rol pritës i informacionit nga autoritetet e huaja, në një rol tashmë aktiv dhe furnizues me informacione për autoritetet e huaja”, tha Dumani.
Gjatë raportimit në KLP, Altin Dumani tha se SPAK ha hetuar gjatë viti 2024 një numër të konsiderueshëm zyrtarësh të lartë. Ai tha se janë vënë në hetim 33 ish zyrtarë, nga të cilët 19 janë dërguar për gjyukim. Për 10 funksionarë të lartë, tha Dumani, gjatë vitit të kaluar janë dhënë vendime të formës së prerë.
“Sa i takon luftës kundër korrupsionit, janë hetuar një numër i konsiderueshëm zyrtarësh të lartë. Gjatë 2024, janë nën hetim 33 ish zyrtarë të lartë, dy prej tyre në dy procedime të ndryshme, Nga këto, 19 janë dërguar për gjykim në gjykatë duke përfaqësuar 52.9% të rasteve. Në vitin 2024, janë 10 funksionarë të lartë publikë për të cilët ka pasur vendime të formës së prerë. Nga ana tjetër, numri i personave të dërguar në gjykatë përbën rreth 35.2% të totalit të individëve në hetim. Hetimet e vitit 2024, tregon se korrupsionit i zyrtarëve të lartë zhvillohet me skema të sofistikuara dhe faktorë si ndikimi institucional, përfshirja e rrjeteve kriminale dhe pastrimi i parave. Ritje ka shënuar edhe numri i procedimeve për veprën penale për pastrim parash, rritje me 34%, krahasuar me vitin paraardhës, rritje në masën 34% ndërkohë që krahasuar me 2021 këto procedime janë trefishuar. Gjatë 2024, konstatohen 132 hetime të filluara me kallëzime nga individë dhe institucuione. Hetimet e filluara nga kallëzimet e qytetarëve janë dëshmi e rritjes së publikut te insticioni i Prokurorisë së Posaçme.”, tha Dumani.
