Shkup, 14 maj 2025 (MIA) – Kuvendi në kuadër të punës së sotme mbi rendin e ditës të seancës së 48-të me 60 vota “pro” dhe 21 “kundër” emëron Remzi Bajramin për kryetar të Këshillit të epskertëve të Agjencisë për Mbikëqyrjen e e Financimit Kapital të Sigurimit Pensional (MAPAS). Ai vjen në vend të Maksud Ali i cili u shkarkua me 58 vota “pro” dhe 18 “kundër”.
Deputetja Jovanka Trençevska nga LSDM në fjalën e saj tha se fati i 600 mijë personave të cilët në periudhën e fundit duhet të marrin pension do të vihen në duart e Remzi Bajramit, i cili nuk i plotëson kushtet.
“Dikush pa ekspertizë dhe njohuri duhet të vendosë për fatin e tyre. Për anëtar të Këshillit mund të zgjidhet personi i cili është ekspert në fushën e sigurimit pensional me përvojë pune prej të paktën pesë viteve në fushën e sigurimit pensional ose në fushën e financave. Kandidati i cili propozohet ka diplomuar në shtator të vitit 2021 dhe nuk e plotëson kushtin bazë për pesë vjet përvojë pune”, tha Trençevska.
Në replikë deputeti Adnan Aziri nga VLEN tha se fjalimi i Trençevskës është me motiv politik dhe nuk ka asnjë argument dhe shtoi se Bajrami i kaloi të gjitha filtrat në Qeveri dhe se i plotëson të gjitha kushtet ligjore të parashikuara që mund të shihet nga CV-ja e tij.
Jovan Mitreski nga LSDM-ja tha se propozimi ishte tërhequr një herë, ndërsa tani sërish vihet në rend dite edhe pse kandidati i propozuar nuk i plotëson kushtet.
“Sipas ligjit duhet të ketë të paktën pesë vjet përcojë pune në fushë, ndërsa sipas diplomës që e ka dërguar në CV, ai ka diplomuar në vitin 2021, me mesatare shumë të ulët prej 6,44 përkatësisht me 26 gjashtëshe nga gjithsej 31 lëndë. Ai ka paraqitur edhe një dokument ku deklaronte se para diplomimit ka kryer punë financiare dhe kontabiliteti në firmën private Tajger Shop dhe Blek Tajger Shop, përkatësisht dyqan onlajn. Tani duhet të kujdeset për pensionet e ardhshme”, tha Mitreski.
Ai kërkoi që t’i gjenin një pozicion që i përshtatet dhe jo ta emëronin në këtë pozicion të përgjegjshëm.
Azizi në replikë tha se Bajrami ka përfunduar dy fakultet nga të cilat njërin e ka kryer në vitin 2009. Ai theksoi se do të udhëheq më mirë se kryetari i mëparshëm Maksut Ali.
