Tetovë, 30 qershor – Sot, me fillim nga ora 20:00, në ambientet e restorant ARRA në Tetovë do të mbahet kuvendi zgjedhor i Forumit Rinor të Bashkimit Demokratik për Integrim (BDI), shkruan zhurnal.mk.
Ky kuvend pritet të shënojë një moment të rëndësishëm për riorganizimin e të rinjve brenda strukturës partiake, pasi do të zgjidhet kryetari i ri i kësaj organizate politike në Tetovë. Procesi zgjedhor vjen në një kohë kur Forumi Rinor i BDI-së po synon të forcojë rolin dhe angazhimin e të rinjve në skenën politike dhe vendimmarrëse.
Sipas organizatorëve, në kuvend do të marrin pjesë delegatë nga degët rinore të partisë, përfaqësues të kryesisë qendrore të Forumit Rinor si dhe figura të tjera të rëndësishme nga BDI.
Zgjedhja e kryetarit të ri pritet të sjellë një frymë të re dhe të rifokusojë prioritetet e Forumit Rinor në drejtim të përfshirjes më aktive të të rinjve në proceset politike, sociale dhe zhvillimore të qytetit dhe më gjerë.
