Ylli i popit, Rita Ora, ka bërë një paraqitje të guximshme duke veshur një fustan të tejdukshëm në Ibiza.
Këngëtarja 33-vjeçare shfaqi trupin e saj të tonifikuar në një fustan të verdhë me rripa dhe material rrjete që linte pak vend për imagjinatë, shkruan The Sun.
Ajo hoqi sytenat dhe tregoi të brendshmet e saj të zeza teksa festonte me miqtë në një diskotekë. Rita kishte lënë flokët e saj bionde në valë të lira mbi supe dhe kishte zgjedhur një buzëqeshje me shkëlqim dhe nuancë të kuqe.
Këngëtarja u pa duke pozuar për fotografi me një pije në dorë të mërkurën mbrëma.
Kjo ndodh vetëm disa ditë pas që Rita ishte e detyruar të anulojë një performancë në një festival pasi u dërgua në spital për shkak të një sëmundjeje të papritur.
Këngëtarja e hitit “Body On Me” ishte caktuar të performonte në ngjarjen muzikore elektronike “Campus Festival” në Hungari të shtunën, por dha një përditësim të shëndetit në minutat e fundit atë ditë.
Ylli u tha fansave se kishte kaluar natën në një spital në Budapest.
Rita ndau njoftimin e saj në një postim në Instagram, ku shkroi: “Ju lutem falni këtë ndryshim të papritur të ngjarjeve, por fatkeqësisht nuk do të mund të performoj në Campus Festival sonte”.
“Pasi kalova natën në spital në Budapest, duhet të pushoj plotësisht dhe të ndjek urdhrat e mjekëve”.
Rita nuk theksoi arsyen për vizitën në spital, por falënderoi fansat e saj për mbështetje të vazhdueshme.
Ajo shtoi: “Jam shumë e trishtuar për fansat e mi që do të ishin aty sot dhe jam vërtet mirënjohëse për mirëkuptimin tuaj”.
Festival i muzikës në natyrë zhvillohet nga 24 deri më 28 korrik me qindra koncerte dhe performanca nga DJ.
Rita do të kishte performuar përkrah disa artistëve ndërkombëtarë si Dimitri Vegas & Like Mike, Gayle, Martin Solveig dhe Danko Jones.
