Shkup, 14 maj – Sabri Aziri, anëtari i kryesisë së ASH-së dhe këshilltar politik i Arben Taravarit në Ministrinë e Shëndetësisë, ka kundërshtuar vendimin e fundit të partisë për të dal nga Qeveria.
Ai përmes një shkrimi në rrjetet sociale ka njoftuar se në mbledhjen e fundit të kryesisë, i ka bërë thirrjë anëtarësisë së që t’i bashkëngjiten atij për ta vazhduar rrugën e vërtetë të ASH-së për të cilën morën mandat nga votuesit.
Më poshtë mund ta lexoni të plotë statusin e Azirit.
Aleanca për shqiptarët është mbi të gjitha!
Karakteristikat që na përshkruajnë janë: ndërtimi i një shteti funksional, lufta kundër krimit dhe përkushtim ndaj axhendës së reformave.
Kjo është adresa ku do të drejtohet çdo qytetar që aspiron perspektivën evropiane të këtij vendi të vogël dhe të vuajtur. Është detyra jonë të mos i lëmë qytetarët tanë dhe votuesit tanë në mëshirën e të tjerëve, t’i dorëzojmë në duart e tjera.
Populli dhe votuesit na dhanë votën e tyre për t’i paraqitur në dritën më të mirë. Për të mos i zhgënjyer!
Në mbledhjen e fundit të partisë, para organeve më të larta partiake, kam thënë publikisht: Kush mendon të vijë me mua që së bashku të vazhdojmë ta udhëheqim Aleancën për Shqiptarët në drejtimin për të cilin votuesit na dhanë mandatin – urdhëroni ejani ecim përpara!
Kushdo që ka një ide tjetër – le të vazhdojë në një rrugë tjetër!
Unë dhe ata si unë nuk do të lejojmë që të ndahemi edhe një herë e as të dorëzojmë Aleancën për Shqiptarët në krahët e të tjerëve!
