Mbretëria e Bashkuar do të presë liderët e Ballkanit Perëndimor për Samitin e Procesit të Berlinit në vjeshtën e vitit 2025.
Mbretëria e Bashkuar do të presë krerët e gjashtë vendeve të Ballkanit Perëndimor dhe udhëheqës të tjerë evropianë në vjeshtën e këtij viti për një samit ndërkombëtar vendimtar për të mbështetur stabilitetin, sigurinë dhe bashkëpunimin ekonomik në rajon.
Në njoftimin e lëshuar nga institucionet britanike thuhet se samiti gjithashtu do të fokusohet në mënyrën se si të punohet së bashku për të luftuar fenomenin pasi rajoni përdoret si një rrugë tranziti për migracionin e parregullt, me Qeverinë e fokusuar në përdorimin e çdo mjeti që ka në dispozicion për të kontrolluar kufijtë e Britanisë”.
Ndër tjera, shtohet se si njohur zyrtarisht si Procesi i Berlinit, samiti do të forcojë bashkëpunimin me partnerët evropianë për të ndihmuar në zbatimin e strategjisë së qeverisë së Mbretërisë së Bashkuar për të forcuar kufijtë, për të shkatërruar bandat dhe për të kthyer në vendet e tyre ata që nuk kanë të drejtë të jenë këtu.
Sekretari i Jashtëm, David Lammy, tha se Ballkani Perëndimor ka një rëndësi të gjatë për Mbretërinë e Bashkuar dhe “partneritetet tona në rajon janë thelbësore në përpjekjet tona për të trajtuar migrimin e parregullt dhe për të luftuar tregtinë e keqe të jetëve njerëzore”.
“Pritja e Procesit të Berlinit në Mbretërinë e Bashkuar tregon përkushtimin tonë për Sigurinë Evropiane dhe për zbatimin e Planit të Qeverisë për Ndryshim”.
Pritja e Samitit në Mbretërinë e Bashkuar në partneritet me Gjermaninë nënvizon angazhimin e kësaj qeverie për të rivendosur marrëdhëniet e saj me Evropën dhe hapin e fundit në strategjinë e qeverisë për të ndërtuar partneritete të qëndrueshme për të luftuar grupet kriminale që lehtësojnë migrimin e parregullt.
