Selena Gomez ishte një nga yjet më të spikatura në çmimet EE BAFTA 2025, të mbajtura të dielën në Royal Festival Hall në Londër.
Aktorja dhe këngëtarja 32-vjeçare, e nominuar për Aktoren më të Mirë Dytësore për rolin e saj në filmin e Netflix ‘Emilia Perez’, mahniti me një fustan vezullues argjendi me detaje kadife të zezë.
Ajo kompletoi pamjen me taka elegante të zeza dhe aksesorë të ndritshëm, duke theksuar stilin e saj të sofistikuar, shkruan DailyMail.
Këtë vit, thrilleri politik Conclave kryeson me 12 nominime, duke u ndjekur nga ‘Emilia Perez’ me 11 dhe ‘The Brutalist’ me 9 Demi Moore, e cila shkëlqeu në ‘The Substance’, është mes të nominuarave për Aktoren më të Mirë, krahas Cynthia Erivo (Wicked) dhe Saoirse Ronan (Outrun).
BAFTA 2025 sjell disa risi, përfshirë një kategori të re për filmat familjarë, e cila synon të vlerësojë prodhimet që tërheqin shikues të të gjitha moshave.
Po ashtu, procesi i votimit për Filmin më të Mirë Britanik është përmirësuar për të reflektuar më mirë diversitetin dhe cilësinë e projekteve të nominuara.
David Tennant do të rikthehet si prezantues i mbrëmjes, pas një debutimi të suksesshëm vitin e kaluar.
Ceremonia pritet të jetë një spektakël i vërtetë, duke sjellë në skenë emrat më të mëdhenj të kinemasë.
Çmimet EE BAFTA 2025 do të transmetohen më 16 shkurt në BBC One dhe BBC iPlayer.
