Gjatë ditës së martë, në kuadër të projektit “Ngritja dhe Zhvillimi i Bizneseve”, në Podujevë ka filluar faza e dytë e shpërndarjes së pajisjeve për bizneset përfituese.
Në procesin e shpërndarjes së pajisjeve ka marrë pjesë edhe kryetari i komunës, Shpejtim Bulliqi.
Sipas një njoftimi nga komuna e Podujevës, faza e parë e shpërndarjes së këtyre pajisjeve është bërë disa javë më pare, ndërsa sot janë pjesa tjetër.
“Faza e parë e shpërndarjes së pajisjeve është bërë disa javë më parë ku janë shpërndarë pajisje; ngritës me kriket për vetura – lift, ndërsa sot janë shpërndarë pajisjet; 8 sharra, 6 co2 aparat saldimi, 2 balancues për goma”, thuhet në njoftim.
