Këngëtarja e njohur shqiptare, Shyhrete Behluli, ka ndarë një lajm të hidhur me ndjekësit në rrjete sociale.
Ajo njofton në Instagram se i ka ndërruar jetë nëna, me të cilën ka patur një lidhje shumë të ngushtë.
“Njoftim mortor. Me pikëllim të thellë ju njoftojmë se sot ndërroi jetë Nana jone. Varrimi do të bëhet më 30.01.2025 në ora 15:00 në varrezat e Fshatit Mushtisht”, ka shkruar ajo.
Artistja shumë e dashur për publikun i ka shkruar edhe disa fjalë prekëse për të.
“Nënë, mungesa jote është dhembja më e madhe, por dashuria dhe kujtimet e tua do të mbeten përgjithmonë në zemrën time”, tha tutje.
Në pjesën për komente shumë nga personazhet publike e fansat e ngushëlluan.
Behluli nga ana tjetër ka qenë tejet e angazhuar në muzikë e ahengje muzikore.
