Sot pritet të përfundojnë numërimi i të gjitha fletëvotimeve që i takojnë votimit me postë.
Kështu ka bërë të ditur zëdhënësi i KQZ-së, Valmir Elezi.
“Deri ditën e martë do të arrijmë të përmbyllim numërimin e gjitha fletëvotimeve që i takojnë votimit me postë dhe pas kësaj do të fillojmë numërimin e fletëvotimeve që i takojnë votimit me kusht i cili është zhvilluar në 56 vendvotime me datën 9 shkurt si dhe pastaj numërimin e votave të personave me nevoja të veçanta.
Pasi të mbyllen gjitha këto procese si dhe pasi të marrim konfirmimin nga ana e PZAP-së dhe Gjykatës Supreme se nuk ka ndonjë çështje që është duke u shqyrtuar në këto institucione atë herë KQZ do të mund të shpall rezultatin përfundimtar për subjektet politike dhe kandidatët e këtyre zgjedhjeve”, ka thënë për KP, Elezi.
“Të gjitha statistikat e një procesi zgjedhor sa i përket votave të pavlefshme ne do ti kemi më kohën kur KQZ do ti shpall rezultatet përfundimtare. Pjesë e statistikave që ka një proces zgjedhor natyrisht që do te jenë edhe fletëvotimet e pavlefshme. Në rastet kur ka paqartësi nëse një fletëvotim duhet të llogaritet i vlefshëm apo ndryshe është PZAP ku palët mund të paraqesin ankesat e tyre”, është shprehur Elezi.
