Tiranë, 25 qershor, Zhurnal.mk – Shërbimi Meteorologjik Ushtarak bëri të ditur se vendi ynë ditën e enjte do të ndikohet nga kushte atmosferike relativisht të qëndrueshme.
Moti parashikohet me kthjellime dhe alternime vranësirash, të cilat prej orëve të mesditës deri ato të pasdites do të shoqërohen me reshje shiu me intensitet të ulët në pjesën më të madhe të territorit dhe shtrëngata të izoluara shoqëruar me shkarkesa elektrike përgjatë relieveve malore në lindje e juglindje. Pas orëve të pasdites mot i kthjellët e vranësira të pakta kalimtare.
Era do të fryjë me drejtim verilindje-veriperëndim me shpejtësi 5 m/s shoqëruar me valëzim në dete i forcës 1-2 ballë.
Temperaturat parashikohen:
| QYTETET | Temperaturat | Siglat |
| Shkodër | 21/34 | Diell re |
| Kukës | 18/31 | Diell re shi |
| Lezhë | 22/34 | Diell re |
| Dibër | 16/30 | Diell re shi |
| Durrës | 21/33 | Diell re |
| Tiranë | 23/35 | Diell re |
| Elbasan | 22/35 | Diell re shi |
| Berat | 21/34 | Diell re shi |
| Vlorë | 21/30 | Diell re |
| Korçë | 16/27 | Diell re shi |
| Gjirokastër | 18/35 | Diell re shi |
| Sarandë | 21/32 | Diell re |
