Shkup, 8 maj – Zëvendëssekretari i përgjithshëm i Kuvendit të Republikës së Maqedonisë së Veriut, Nikolla Gjoshevski realizoi takim me ambasadoren Terhi Hakala, deputete speciale e Kryesimit finlandez me OSBE-në.
Siç informojnë nga pres shërbimi i Kuvendit, në takim u shkëmbyen mendime mbi kontributin e OSBE-së për vendin tonë, si dhe mbi rolin e Republikës së Maqedonisë së Veriut brenda Organizatës.
Arritja më e madhe e bashkëpunimit ishte kryesimi i Maqedonisë së Veriut me OSBE-në, me theks të rëndësishëm në përfitimet e misioneve në terren, si parakusht i rëndësishëm për përmirësimin e jetës së njerëzve që janë shfrytëzuesit e fundit të aktiviteteve të Organizatës.
U theksua veçanërisht pjesëmarrja aktive e Kuvendit të RMV-së në Asamblenë Parlamentare të OSBE-së, që nga viti 1993. U theksua edhe përfshirja e Delegacionit tonë në misionet e vëzhgimit të zgjedhjeve në vendet e tjera, pasi OSBE/ODIHR ka vëzhguar të gjitha ciklet zgjedhore në vend që nga viti 1998. Në këtë kontekst, bashkëbiseduesit iu referuan dhe nevojës për të përfshirë rekomandimet e OSBE/ODIHR-it në rregullativën zgjedhore përpara zgjedhjeve të ardhshme lokale.
Gjoshevski u përqëndrua në rëndësinë e Rregullores së re për lehtësimin dhe demokratizimin e procedurave në Kuvend. Në këtë kontekst, e theksoi bashkëpunimin e frytshëm me Misionin e OSBE-së në forcimin e pavarësisë, funksionin mbikëqyrës dhe misionin demokratik të Dhomës Ligjvënëse, si dhe në promovimin e barazisë gjinore dhe politikave rinore.
Ambasadorja Hakala iu referua prioriteteve të Kryesimit Finlandez me OSBE-në. Ajo theksoi gjithashtu rëndësinë e dimensionit parlamentar në përmbushjen e misionit të Organizatës, duke theksuar nevojën për të përmirësuar vazhdimisht parimet e përcaktuara dhe për të promovuar bashkëpunimin midis vendeve anëtare në nivele të shumta.
Në takim mori pjesë edhe Niklas Lindkvist, ambasador i Finlandës me seli në Beograd, i cili përmendi mbështetjen e vendit tonë në anëtarësimin e saj në NATO. Ai shprehu gjithashtu mbështetje për procesin e mëtejshëm të integrimit të Maqedonisë së Veriut në BE.
