Tetovë, 19 shkurt – Teatrit dhe Bibliotekës së Tetovës për vitin 2025 u janë ndarë vetëm 15 milionë denarë, që i bie vetëm 1.6% e mjeteve të nevojshme për realizimin e projektit të objektit.
Kjo do të thotë se, nëse Qeveria dhe Ministria e Kulturës ndajnë këto mjete çdo vit, Teatrit të Tetovës do t’i duhen plot 66 vite për t’u përfunduar. Ndërsa afati i dhënë nga ana e ministrisë, sipas kontratës, është fundi i vitit 2026.
Ushtruesi i detyrës i Qendrës për Kulturë në Tetovë, e cila menaxhon këtë projekt, thotë se deri më tani Ministria e Kulturës, nga viti 2021, ka ndarë vetëm 412 milionë denarë, ose rreth 30% të mjeteve të nevojshme.
