Muaji dhjetor vjen me një atmosferë të veçantë në Teatrin e Qytetit të Gjilanit, duke përmbyllur vitin me një program artistik të larmishëm dhe emocionues.
Në reporterin e dhjetorit, Teatri i Qytetit të Gjilanit njofton se përfshihen dy premiera të reja “Reliev” me tekst dhe regji nga Gëim Bucolli dhe “Jam unë ajo” me tekst nga Valmira Thaqi dhe Dituri Neziraj, të realizuara me regji nga Erson Zymberi.
Këto premiera të shfaqjeve të cilat do të shfaqen në këtë muaj, janë krijimtari individuale.
Këtë muaj vjen edhe Festivali i Teatrit të Shkollave të Mesme, organizuar nga organizata Anamour, Koncerti fantastik muzikor nga Elina Duni & Rob Luft Band, si dhe Festivali i Stand Up Komedisë nga Varg e Vi.
Poashtu programi përfshin shfaqjen mysafire nga Multimedia “Të Bardhët” me regji nga Besim Ugzmajli si dhe disa prej shfaqjeve më të dashura të sezonit, përshirë shfaqjet “Togeri nga Inishmori” (pjesëmarrëse në Festivalin e Teatrove në Mitrovicë, Mittrix Fest) “Djali”, “Një dorëzim në Spokan” dhe “Meri Popins”.
Teatri i Qytetit të Gjilanit përmes këty shfaqjeve synon t’i ofrojë publikut momente të paharrueshme, duke shpaluar vlera e prurje të veçanta teatrale.
“Përmes këtyre prodhimeve, provojmë që të rezonojmë me sfidat e kohës sonë, si dhe me vlera që frymëzojnë bashkëjetesë, reflektim dhe shpresë”, thuhet në njoftimin e teatrit.
Ndryshe, qytetarët ftohen për të qenë pjesë e këtij udhëtimi emocional dhe artistik, duke përfunduar vitin të mbushur me kreativitet dhe frymëzim.
