Video-loja popullore Football Manager është shtyrë sërish – këtë herë deri në mars të vitit të ardhshëm.
Franshiza është një nga lojërat sportive më të njohura në treg, por prodhimi i saj këtë vit mesa duket ka qenë i ngarkuar me probleme.
FM25 u zhvillua nga Sports Interactive (SI) si një “epokë e re”, me prezantimin e shumëpritur të lojës për femra, shkruan skynews.
SI pranoi se kishte qenë një “cikël i vështirë zhvillimi” dhe në një përditësim të postuar në shtator pranoi se ishte përballur me probleme të paparashikuara pasi njoftoi se një numër funksionesh do të hiqeshin nga edicioni i fundit.
Muajin e kaluar, SI tha se funksionet si menaxhimi ndërkombëtar nuk do të ishin të disponueshme në FM25 dhe se data e lëshimit të tij ishte shtyrë nga fillimi në fund të nëntorit.
Më pas, SI njoftoi se loja është shtyrë deri në mars të vitit 2025.
“Pas shqyrtimit të kujdesshëm, Sports Interactive ka marrë vendimin e ashpër për të vonuar më tej lëshimin e Football Manager 25”, tha SI në një deklaratë.
