Shkup, 15 korrik, Zhurnal.mk – VMRO‑DPMNE akuzoi se SDSM, BDI dhe Levica po e bllokojnë në mënyrë të koordinuar miratimin e Ligjit të ri Zgjedhor dhe se mosdakordësia e tyre publike është, siç thonë, teatër politik me epilog të paracaktuar.
Nga partia në pushtet pretendojnë se para opinionit është bërë e qartë se tre partitë opozitare nuk kanë qëllim të arrijnë marrëveshje për rregullat e reja zgjedhore.
“Teatri i keq politik i SDSM‑së, BDI‑së dhe Levicës është zbuluar. Disa publikisht thërrisnin për bisedime, të tjerët i refuzonin demonstrativisht, ndërsa në thelb të gjithë punojnë për të njëjtin epilog – të mos ketë marrëveshje”, njoftuan nga VMRO‑DPMNE.
Sipas partisë, SDSM, BDI dhe Levica nuk kanë interes të miratohen rregulla moderne zgjedhore dhe të lehtësohet votimi i diasporës maqedonase.
“Në vend të reformave, ata zgjedhin bllokada, kalkulime dhe llogari politike. Arsyeja është e qartë – përgatitja e alibisë së tyre për ciklin e ardhshëm zgjedhor”, theksojnë nga VMRO‑DPMNE.
Në kumtesë shtohet se, sipas tyre, pas një humbjeje eventuale zgjedhore, partitë do të arsyetohen me shkaqe të ndryshme, si rekomandimet e OSBE‑së dhe ODIHR‑it, kushtet e fushatës zgjedhore ose mosrespektimin e supozuar të vullnetit të qytetarëve.
“Këto janë justifikimet që i përgatisin paraprakisht, sepse nuk kanë argumente”, porositën nga VMRO‑DPMNE.
