Shkup, 10 shkurt – Kosova shteti më i ri i pavarur në rajonin e Ballkanit Perëndimor dëshmoi dhe vulosi edhe kësaj here vlerat demokratike. Zgjedhjet e 9 shkurtit përfunduan pa incidente dhe pa kurrfarë problemi. Para se të analizojmë rezultatet e partive politike, e rëndësishme është të thuhet që fitues të këtyre zgjedhjeve janë qytetarët e Kosovës që dëshmuan pjekuri dhe vendosmëri në hapat e mëtejmë për ndërtimin dhe ngritjen e shtetit të pavarur të Kosovës. Fitues absolut edhe të zgjedhjeve të 9 shkurtit ishte VV e prirë nga kryeministri, Albin Kurti, shkruan Zhurnal.
Kosova dëshmoi edhe njëherë vlerat demokratike, qytetarët fituan –
Një ditë pas procesit të zgjedhjeve parlamentare në Kosovë, vazhdon numërimi i votave. Sipas rezultateve të orës 9:45 të Komisioni Qendror i Zgjedhjeve janë numëruar 89.54 për qind e votova.
Sipas këtyre të dhënave të KQZ-së, Lëvizja Vetëvendosje kryeson me 40.07 % të votave, ndërsa Partia Demokratike e Kosovës renditet e dyta me 22.31 %, Lidhja Demokratike e Kosovës ka marrë 17.58 % të votave, dhe AAK 7.6 %.
KQZ-së ka bërë të ditur se dalja në votime ka qenë 40.59 për qind, pa llogaritur votat me kusht dhe ato të diasporës. Numri i qytetarëve me të drejtë vote në vendvotime ishte 1 milion e 970 mijë e 944 votues, derisa për herë të parë votën e tyre kanë mundur ta hedhin 125 mijë e 852 votues të rinj.
Fitorja bindëse e Albin Kurtit, bashkë partia e dytë dhe e tretë nuk kanë vota sa VV që doli parti e parë –
Derisa në studio të shumta televizive flitej që VV do të bie në 30%, ndodhi e kundërta VV kaloi edhe 40%. Tani po të njëjtat zëri e cilësojnë si humbje këtë rezultat për faktin se VV nuk paska përmbushur pritshmërit e saj. Nëse shkojmë me këtë logjikë i bie që VV ka dështuar në pritshmëritë e saj por që prinë në krye të listës fituese.
E opozita pëson me humbje të dyfishtë, edhe se nuk ka arritur pritshmëritë e saj që kishin shkuar për fitore në garë, por edhe kur e shohin veten në listë janë në fund, parti e dytë, e tretë e kështu me radhë. Pra, humbës në parashikime e kërkesa, humbës edhe në lista.
Çfarë sjelli rënien prej 8% në VV?
Në zgjedhjet e vitit 2021 VV garoi bashkë me presidenten aktuale, Vjosa Osmani, e cila kishte shkëputur një trup votuesish të konsiderueshëm prej LDK-së. Pastaj, në zgjedhjet e kaluara parlamentare në VV kishte prurje të reja që gjithashtu kishin sjellë vota të mjaftueshme sa për të arritur edhe 50.2%, rezultatin historik.
Pra, nëse hiqen votat e Vjosa Osmanit të cilat janë kthyer në origjinë në LDK, votat e Listës për Familjen, dy deputetë të shkëputur nga VV kuptohet qartësisht kjo rënie. Pra, në thelb VV qëndron ngjashëm me votuesit e saj sikurse në zgjedhjet paraprake.
Megjithatë, qytetarët e Kosovës dhanë verdiktin e tyre, edhe pse VV-ja e Kurtit përballej me një kundërshtim të paparë nga shumë anë. Duke filluar nga sulmet hibride prej brenda, nga Serbia, faktori ndërkombëtar i dekoruar nga Serbia e të tjera. Pra, edhe përkundër gjithë këtij presioni e propagande të hatashme VV sërish ngadhënjeu dhe ia doli të jetë parti fituese me rezultat të kënaqshëm, me diferencë të madhe nga oponentët e saj. /Zhurnal.mk
