Kërçovë, 5 maj – “Nuk duhet të lejojmë që të përsërisim gabimin e së kaluarës, dhe t`u japim fuqi të tepërt një partie djathtiste sikurse VMRO-DPMNE-“ – ishte mesazhi i liderit të LSDM-së, Dimitar Kovaçevski, nga tubimet në Kërçovë dhe Makedonski Brod.
“Dëgjuat deklaratën e Sharl Mishelit, I cili qartazi tha se BE-ja dhe vendet kandidate duhet të jenë gati për anëatrësim në 2030. Mos e dëgjoni VMRO-DPMNE-në që thotë se nuk do të ndodh zgjerimi. Kështu flisnin edhe për NATO-n, duhej që pushtetin ta merrte LSDM-ja e të anëtarësohemi në NATO”, tha Kovaçevski.
Kovaçevski deklaroi se nëse VMRO-DPMNE-ja dhe Siljanovska fitojnë zgjedhjet, do të bllokojnë rrugën drejt Brukselit dhe mund t`i themi lamtumirë BE-së.
“Dëgjoni deklaratat e Mickoskit dhe Siljanovskës dhe do ta keni të qartë se nuk kanë qëllim që ta çojnë vendin drejt BE-së. Përkundrazi, do të na izolojnë, do të na mbyllin dhe do të kemi probleme me fqinjtë dhe me bashkësinë ndërkombëtare”, u shpreh Kovaçevski.
Nga tubimet në Kërçovë dhe Makedonski Brod, Kovaçevski u zotua se LSDM-ja nuk do të heq dorë nga ideja për Maqedoni evropiane dhe se do të punojë pandërprerë derisa ky mision të bëhet realitet.
