Në ditën e shtatë të zjarrit, në terren mëngjesin e sotëm kanë zbritur prefekti i qarkut të Korçës Nertil Jole së bashku me kryetarin e bashkisë së Pustecit, Pali Kolevski dhe rreth 80 forca zjarrfikëse.
Kemi organizuar punën me të gjitha strukturat operacionale në nivel qarku na janë ofruar si mbështetje edhe shërbimet e bashkive të tjera së bashku me detashmentin, agjensinë e zonave të mbrojtura, me shërbimin pyjor, strukturat e policisë etj.
Në çdo rast jemi në komunikim të vazhdueshëm edhe me autoritete, ministrinë e Mbrojtjes, me ministrin posaçërisht, me drejtorinë e agjensisë kombëtare të mbrojtjes civile duke shpresuar që nuk do të jetë e nevojshme të angazhohet mekanizmi europian për ndërhyrje nga ajri megjithatë nëse një nevojë e tillë fo të jetë kemi marrë mbështetje dhe garanci që të sigurohet edhe ky shërbim në mënyrë që të mbrojmë një nga zonat më të pasura pyjore të qarku tonë por edhe të gjithë Shqipërisë.
Pali Kolevski kryetar i bashkisë Pustec: Sot janë rreth 80 forca të cilat presin të shkojnë te vatrat e zjarrit. Sot do jetë dita më vendimtare siç parashikojnë edhe specialistët e zonave të mbrojtura dhe zjarrfikses.
Këtu jemi mbledhur si qark, nga të gjitha bashkitë e qarkut, nga FA, nga zonat E mbrojtura dhe vullnetarë nga fshati Goricë e Madhe.
Në këto momente është ulur intesiteti i flakëve si rezultat i punës intensive të punonjësve që kanë punuar edhe gjatë mbrëmjes. Sipas informacioneve të para mësohet se rreth 5-6 km janë vënë nën kontroll, vijë lineare. Siç tha edhe prefekti ne kemi komunikuar edhe me emergjencën civile të Shqipërisë edhe me palën maqedonase radhe me partnerë të tjerë të cilët kanë shprehur gadishmërinë, të shpresojmë mos jetë e nevojshme dhe ta vemë nën kontroll përfundimisht.
