Ballkani perëndimor pret rakordimin e Parlamentit Europian për dhënien e 2 miliardë eurove nga Bashkimi Europian. Liderët e unionit kanë dhënë dritën jeshile për fondin, teksa ka premtuar edhe 4 miliardë të tjerë në formën e kredisë
Liderët e BE-së miratuan unanimisht vendimin për ndarjen e 65 miliardë eurove në ndihmë të Ukrainës, Ballkanit perëndimor dhe menaxhimin e migracionit ilegal
Komisioni Evropian ka vënë në dukje se paketa e përgjithshme për Ballkanin është 6 miliardë euro, dy prej të cilave do të jenë në formën e granteve, ndërsa 4 miliardë do të jenë në formën e kredive për të cilat garancitë do t’i japë Bashkimi Evropian.
Këto do të përfshihen në planin e BE-së për rritje ekonomike, të cilin e kishte prezantuar më herët Komisioni Evropian, por kushtet nuk ishin plotësuar.
Tashmë nevojitet edhe pajtimi i Parlamentit Evropian në mënyrë që BE-ja të mund të nisë dhënia e asistencës financiare. KE ka tërhequr vërejtjen se përdorimi i këtyre fondeve nga vendet e rajonit do të jetë i kushtëzuar me sundimin e ligjit.
Ndërsa, për Kosovën dhe Serbinë do të ketë edhe kushtëzime specifike që kanë të bëjnë me përparimin në procesin e normalizimit të raporteve mes tyre.
