Shkup, 9 qershor – Me kërkesë të grupit parlamentar të partisë “E majta” mbledhja e sotme e 54-t e kuvendit është shtyrë për një orë. Deputeti i partisë E majta, Borisllav Kërmov kërkoi pauzë prej një orë sepse, siç tha, ende nuk kanë marrë përgjigje për kërkesën e dorëzuar të deputetes Jovana Mojsovska në janar në të cilën kërkohen shpenzimet e paguara të rrugës dhe qiratë për vitin 2024 për të gjithë deputetët.
“Ne edhe sot parimisht do të kërkojmë pauzë prej një orë sipas nenit 87 paragrafi 2 derisa detyrimi i sekretares së përgjithshme e cila është ulur pas meje nuk realizohet ndaj deputetes tonë Jovana Mojsoska, në fakt plotësisht t’i japë të dhënat nga shpenzimet e rrugës të cilët tashmë një kohë të gjatë fshihen në Kuvend”, tha Kërmov.
Propozim – teksti për Aliun I dorëzuar nga Qeveria dhe është nënshkruar personalisht nga kryeministri Hristian Mickoski, e përmban biografinë e kandidatit. Në të bëhet e ditur se Aliu është inxhinier i diplomuar i elektros dhe doktor i shkencave informatike i cili për momentin e realizon funksionin profesor ordinar në Fakultetin e Shkencave Kompjuterike dhe Teknologjisë në kuadër të Universitetit të EJL në Tetovë. Aliu ishte ministër i Shoqërisë Informatike dhe Administratës në vitin 2023 dhe 2024, ndërsa, sipas CV-së së dorëzuar, ishte edhe në pozita të tjera të larta dhe me përgjegjësi.
Kryetari i Kuvendit, Afrim Gashi në mbledhjen e 49-të të Kuvendit iu përgjigj deputetit të partisë E majta, Sashko Jançev, duke potencuar se në afatin ligjor deputetja ka marrë përgjigje, por pastaj ka kërkuar informacione më të hollësishme për të cilat siç tha spikeri, do tu dorëzohen informacionet e kërkuara pasi që të përgatiten.
“Do të merrni një orë pauzë, por vetëm më lejoni t’ju them vetëm se unë, si kryetare dhe sekretare e përgjithshme, jam njoftuar dhe po punojmë për rastin. Ju e dini që përgjigjen e keni marrë brenda afatit ligjor. Ju kërkuat informacion më të hollësishëm. Informacioni po përgatitet dhe do t’ju ofrohet. Nuk ka problem. Askush nuk po ikën nga asgjë, nuk ka frikë, ose nuk po fshihet. Do ta merrni. Nuk e kuptoj pse po kërkoni pauzë, kur ne duam të punojmë. Por unë e respektoj kërkesën tuaj dhe do t’ju japim një orë pauzë”, tha atëherë Gashi.
Kuvendi sot në kuadër të mbledhjes së 54-t duhet ta shqyrtojë propozimin qeveritar që Azir Aliu të jetë ministër i Shëndetësisë. Në seancë, sipas rendit të ditës, është edhe propozimi për emërimin e Albrim Hoxhës zëvendësministër i Bujqësisë, Pylltarisë dhe Ekonomisë së Ujërave.
