Chelsea ka siguruar kualifikimin për në raundin e 1/16-tës së Kupës së Botës për Klube, pas një fitoreje të pastër 3-0 ndaj Esperance Tunis.
Blutë e Londrës do të përballen tani me Benficën në fazën e eliminimit direkt, pasi kaluan me sukses skuadrën nga Afrika e Veriut, pavarësisht se u paraqitën me një formacion të kombinuar.
Në pjesën e parë, londinezët ushtruan presion të vazhdueshëm, por nuk arritën të shënonin deri në minutat shtesë të kësaj periudhe.
Tosin Adarabioyo zhbllokoi rezultatin me një goditje të saktë me kokë, dhe vetëm pak çaste më vonë Liam Delap dyfishoi shifrat me një përfundim fantastik të aksionit.
Pjesa e dytë nisi me një reagim më të fortë nga Tunis, që provoi të rikthehej në lojë.
Gjithsesi, Tyrique George vulosi fitoren për Chelsean me një goditje të bukur nga distanca për 3-0 dhe duke siguruar kalimin në raundin tjetër.
