Shkup, 26 qershor – Koordinatori i grupit parlamentar të VLEN-it, Bekim Qoku, zhvilloi sot një takim me përfaqësues të misionit të OSBE/ODIHR në hapësirat e Kuvendit të Maqedonisë së Veriut, përcjell zhurnal.mk.
Gjatë takimit u diskutua mbi përgatitjet për zgjedhjet e ardhshme lokale, me fokus të veçantë në nevojën për zhvillimin e zgjedhjeve të lira, të ndershme dhe demokratike. Qoku theksoi rëndësinë e zbatimit të rekomandimeve ndërkombëtare dhe përmirësimeve në proceset zgjedhore, me qëllim që të rritet transparenca dhe besimi i qytetarëve.
“Si VLEN, besojmë se sundimi i ligjit dhe forcimi i demokracisë ndërtohen përmes zgjedhjeve të lira dhe proceseve të besueshme zgjedhore,” u shpreh Qoku.
Takimi u vlerësua si një hap i rëndësishëm drejt garantimit të standardeve ndërkombëtare në proceset elektorale në vend.
