Trajneri i Barcelonës, Hansi Flick, ka rifilluar zyrtarisht punën për ndeshjet parasezonale, pasi tashmë ka filluar punën para nisjes së stërvitjeve me lojtarët.
Tifozët e Barcelonës e pritën me ngrohtësi Flick në qendrën stërvitore Ciutat Esportiva Joan Gamper, ndërsa ai mbërriti për të filluar punën përpara kthimit të lojtarëve për vizitat mjekësore.
Sipas gazetës Mundo Deportivo dhe burimeve të tjera, Flick ka katër detyra të mëdha përpara se skuadra të fluturojë për në Azi për të zhvilluara para-sezonin.
Detyra e parë e trajnerit gjerman thuhet se është të vendos për të ardhmen e Ronald Araujo dhe Andreas Christensen.
Detyra e dytë është të informoj Marc-Andre Ter Stegenin për situatën e portierit, teksa e treta të vendos se kë do të ndjek midis Marcus Rashford dhe Luis Diaz.
E katërta, por jo për nga rëndësia është që Flick të vendos se cilët lojtarë të rinj do të udhëtojnë me Barcën për turneun aziatik.
Flick beson se ai tashmë ka një ekip të mirë, me Barcën që është gati ta fillojë sezonin si kampione në fuqi në Spanjë. /
