Enzo Fernandez thuhet se i ka dhënë dritën jeshile një transferimi te Real Madridi dhe tani topi është në fushën e Chelseat. Mesfushori argjentinas është i gatshëm të ndërrojë Londrën për Madridin këtë verë, i joshur nga projekti i Xabi Alonsos, i cili e konsideron atë thelbësor për të forcuar një mesfushë ku do të bashkëjetonte me lojtarë si Jude Bellingham, Federico Valverde dhe Aurilien Tchouameni.
Pengesa kryesore për Los Blancos do të jetë negociata me Chelsean, të cilët nuk planifikojnë të ndahen lehtësisht nga një prej kapitenëve të tyre.
Sipas mediumit Fichajes, bordi i Real Madridit po punon tashmë për një ofertë prej rreth 150 milionë eurosh, një shifër që ata shpresojnë se do t’i bindë “Blutë” dhe e cila do të financohej gjithashtu nga disa largime.
Ndër lojtarët që ka më shumë gjasa të largohen nga klubi këtë verë janë Rodrygo Goes, Eduardo Camavinga dhe Fran Garcia, të cilët mund të lehtësojnë marrëveshjen si financiarisht ashtu edhe për mirëqenien e dhomës së zhveshjes.
Enzo Fernandez, i cili kishte qenë në radarin e ekipit të Real Madridit kur shkëlqente te River Plate, tani është obsesioni i Xabi Alonsos, i cili dëshiron t’i sjellë mesfushës një kthesë më krijuese dhe dinamike.
Për më tepër, performancat e tij të shkëlqyera si te Chelsea, me tituj të tillë si Liga e Konferencës dhe Kupa e Botës për Klube, ashtu edhe me ekipin kombëtar të Argjentinës, e kanë çimentuar atë si një nga mesfushorët më të mirë në botë.
