Virgil Van Dijk ka zbuluar çfarë i tha Anthony Gordon pas një ndërhyrjeje që i kushtoi sulmuesit të Newcastle kartonin e kuq.
Një nisje e zjarrtë e një ndeshje në Ligën Premier në “St James’ Park” pa skuadrën vendase të dominojë lojën që në fillim.
Ata kishin kontrollin e ndeshjes në pjesën e parë, por nuk arritën të shënojnë, ndërsa Gordon u kërkua të luante si sulmues i përkohshëm në mungesë të Alexander Isak, i cili dëshiron të largohet.
Detyra e Newcastle u bë shumë më e vështirë në fund të pjesës së parë, kur Gordon bëri një ndërhyrje të pamatur ndaj kapitenit të Liverpool, Van Dijk, dhe pas shqyrtimit të VAR-it u ndëshkua me karton të kuq.
Van Dijk i tha Sky Sports për bisedën që pati me Gordon para se ish-lojtari i Evertonit të largohej nga fusha.
“I thashë atij, nëse kjo nuk është karton i kuq, atëherë unë nuk kuptoj futbollin. Më dukej e çuditshme që gjyqtari duhej të shikonte pamjet”.
“Fatkeqësisht, këto ndodhin në futboll, qoftë me qëllim apo jo, ndodhi dhe ne vazhdojmë përpara”, ka thënë Van Dijk.
Kampionët në fuqi, Liverpool, kanë marrë pikët maksimale në dy ndeshjet e para të sezonit 2025/2026. Ata do të hyjnë në pushimin e parë ndërkombëtar pas një sfide të vështirë ndaj Arsenalit në “Anfield” të dielën.
