Shkup, 3 shtator – Kandidati i koalicionit Vlen për kryetar të Komunës së Çairit, Izet Mexhiti së bashku me rininë prezantoi sot platformën digjitale “Rinia për Çairin”, një hapësirë interaktive e krijuar për të përfshirë rininë dhe qytetarët në ndërtimin e programit të ardhshëm zhvillimor të komunës.
Kjo platformë moderne dhe interaktive ofron mundësi për të rinjtë dhe qytetarët që të shprehin ide dhe propozime për përmirësimin e administratës komunale.
Veprimi u ndërmorrën në Ditën Ndërkombëtare të Rinisë, duke nënvizuar rolin kyç të së ardhmes së Çairit në procesin e zhvillimit. Platforma është e hapur për të gjithë, dhe çdo propozim do të konsiderohet me seriozitet, ndërkohë që disa ide tashmë janë pranuar, përfshirë iniciativën për krijimin e një Call Center për komunikim më të shpejtë dhe më transparent me qytetarët.
Në të njëjtën ditë, fillon edhe java kulturore “Doku n’Çarshi” në sheshin kryesor, ku për shtatë ditë do të zhvillohen aktivitete artistike dhe kulturore me pjesëmarrjen e artistëve vendorë. Kjo ngjarje synon promovimin e trashëgimisë kulturore dhe njëkohësisht është një thirrje për qytetarët që ta mbështesin dhe ta shijojnë eventin duke vulosur identitetin dhe vlerat e komunitetit.
Izet Mexhiti theksoi se bashkimi i rinisë dhe i qytetarëve është çelësi i ndryshimit për Çairin, duke inkurajuar pjesëmarrje të aktivizuar në të gjitha aktivitetet e planifikuara.
