Shkup, 27 shkurt – Nuk ka nevojë të tërhiqet ligji sepse çdo tërheqje dhe shtyrje e kësaj zgjidhje ligjore është në dëm të arsimit të lartë në vend, ndërsa kjo do të thotë në dëm të studentëve dhe të rinjve, dhe, në përgjithësi, të të gjithë vendit, deklaroi sot ministrja e Arsimit dhe Shkencës Vesna Janevska, duke u përgjigjur në pyetjen e gazetarëve nëse ligji i propozuar për arsimin e lartë do të tërhiqet për përmisim të mëtejshëm.
Siç tha, nuk ka aq shumë vërejtje nga të gjitha universitetet, se një numër i caktuar përsëritet dhe se ato për të cilat profesorët kanë të drejtë do të korrigjohen. Potencoi se disa për të cilat tashmë ka marrëveshje për t’u ndryshuar.
“Për shembull, ligji thotë se përpara se të mbrojë një tezë masteri, kandidati duhet të ketë publikuar një punim në Web of Science. Pasi diskutuam me arsye se mund të mos ketë kohë për një gjë të tillë, ajo do të tërhiqet. Për mbrojtjen e një teze doktorature, kërkohej që të publikoheshin tre punime në një revistë me faktor ndikimi, përsëri, duke marrë parasysh kohën dhe përpjekjen që duhet të bëjë studenti i doktoraturës, arritëm në përfundimin se dy punime janë plotësisht në rregull. Tashmë është nisur me hulumtime shkencore, me karrierën e tij, dhe është mjaft e përshtatshme që ai të mbrojë tezën e doktoraturës dhe pastaj të vazhdojë me karrierën e tij”, deklaroi Janevska, e cila vizitoi sot Panairin e Arsimit dhe Karrierës.
Nga universitetet private, tha se kishte kundërshtime në lidhje me shumën e garancisë.
“Ky draft-version thotë se garancia duhet të jetë 100 për qind, ndërsa na ka shpëtuar fakti që ata mund të ofrojnë edhe një kredi hipotekare. Do ta ulim garancinë në mënyrë të arsyeshme në 70 për qind dhe do t’u lejojmë atyre të ofrojnë një hipotekë. Vërtet ka lëshime në disa nene të ligjit dhe ato duhen sqaruar, por në të njëjtën kuptim, thelbi nuk duhet të ndryshohet. Për shembull, sa do të zgjasë akreditimi, çfarë do të ndodhë gjatë akreditimit të ri, etj. Këto janë kërkesa të arsyeshme dhe të gjitha do të pranohen. Por për të tjerat, të cilat janë të diskutueshme dhe për të cilat profesorë të ndryshëm kanë mendime të ndryshme, grupi i punës do të mblidhet sa herë të jetë e nevojshme dhe do të merren vendime. Pastaj ligji do të kthehet në ENER, por më pas nuk pres më komente dhe do të shkojnë në procedurë qeveritare, tha Janevska.
Kur u pyet se çfarë do të ndodhë me studentët dhe profesorët nga universitetet private pas ligjit të ri që ata nuk do të kenë studime juridike (ashtu siç nuk do të lejohen studimet private në fakultetet e mësmimdhënësve dhe të mjekësisë), ministrja u përgjigj se për ata studentë “nuk ka rrezik dhe ata do t’i përfundojnë studimet e tyre sipas akreditimit me të cilin kanë filluar”.
“Nëse ndonjëri prej tyre dëshiron të transferohet në ato shtetërore, do të jetë në gjendje ta bëjë këtë, kështu që nuk ka nevojë për frikë këtu. Lidhur me profesorët – kur punësojmë në kompani private dhe universitete private, e dimë se ekzistojnë të gjitha llojet e rreziqeve. Nëse gjithçka do të ishte ashtu siç duhet të ishte, fakultetet tona private kanë ekzistuar prej më shumë se 20 vite, dhe nëse nuk do të kishte pasur paligjshmëri në disa universitete, nuk po them në të gjitha, nuk do të kishte lindur çështja për marrjen e akreditimeve të tyre. Por duke pasur parasysh sa e keqe është situata në arsimin e lartë, shteti është i detyruar të ndërmarrë veprime në dobi të tij dhe në dobi të të rinjve”, theksoi Janevska.
