I merret pasaporta dy përdhunuesve të gruas nga Serbia

Shkup, 20 korrik, Zhurnal.mk – Dy persona e kanë përdhunuar një grua nga Serbia, buzë rrugës në Lisiçe të Shkupit. Padi penale është ngritur kundër dy banorëve të Shkupit, për “sulm seksual dhe përdhunim”, të një gruaje, që ndodhi më 17 korrik në Shkup.
Sektori për Punë të Brendshme (SPB) Shkup – Njësia për Krime të Dhunshme – Departamenti për Gjak dhe Krime Seksuale, ka ngritur padi penale me procedurë të përshpejtuar në Prokurorinë Themelore Publike Shkup, ndaj personave me iniciale A.M. (41) dhe J.R. (34), të dy nga Shkupi, për shkak të ekzistencës së dyshimit për bazuar për kryerjen e veprës penale “sulm seksual dhe përdhunim”.
Ata dyshohen se më 17.07.2026 në orën 21:45, përgjatë rrugës “Gorno Lisice” – “Dolno Lisice”, kanë përdhunuar një grua 32-vjeçare nga Serbia, me banim në Shkup, duke përdorur forcë fizike dhe kërcënime. Të dyshuarit u nxorën para gjykatësit të procedurës paraprake, e cila ua caktoi masën e sekuestrimit të përkohshëm të dokumenteve të udhëtimit.