Shkup, 12 gusht – Një tridhjetë e dy vjeçar nga Shkupi është arrestuar mëngjesin e sotëm pasi me zjarrvënës i ka vënë flakën motoçikletës së nënës së tij.
“Nëpunës policorë të Njësitit të Policisë Intervenuese pranë SPB Shkup në ora 05:00 të mëngjesit të sotëm, e kanë privuar nga liria A.M. (32) nga Shkupi. Ai dyshohet se rreth orës 03:30 minuta, paraprakisht pas grindjes me babain e ti 55-vjeçar, në oborrin e shtëpisë së familjes me mjet djegës ka djegur motoçikletën pronë e nënës së tij”, njoftoi MPB-ja.
Sipas denoncimit, ai ka tentuar me mjet djegës të shkaktojë zjarr edhe në shtëpi, por ka qenë i penguar nga komshinjët. A.M. është në mbajtje në stacion policor dhe pas dokumentimit të plotë të rastit kundër tij do të parashtrohet kallëzim përkatës.
