Jose Mourinho dha një vlerësim brutalisht të sinqertë në lidhje me eliminimin e Fenerbahces nga faza ‘play-off’ e Ligës së Kampionëve pas humbjes së tyre në vazhdime ndaj Lille.
Trajneri portugez, i cili u emërua këtë verë, nuk ishte në gjendje ta drejtonte skuadrën e tij në Ligën e Kampionëve pas humbjes së tyre ndaj Lille me rezultat të përgjithshëm 3-2.
Gjigantët turq humbën ndeshjen e parë 2-1 në Francë përpara se të luanin një barazim 1-1 në ndeshjen e dytë mbrëmë, e cila shkoi në vazhdime.
Fenerbahce shënoi një gol të vonuar përmes autogolit të Bafode Diakite për të detyruar vazhdimet përpara se Jonathan David të shënonte golin e fitores së ekipit të tij nga pika e bardhë në minutën e 118-të.
Duke folur pas rezultatit, portugezi u ankua për humbjen ekonomike nga mos-kualifikimi në Ligën e Kampionëve pasi ai pranoi se skuadra e tij nuk do ta fitonte kurrë këtë garë.
“Ne humbasim ekonomikisht sepse Liga e Kampionëve është padyshim një nxitje e rëndësishme për klubin dhe ne humbasim mundësinë për të luajtur kundër skuadrave më të mëdha në botë. Por, ne nuk do ta fitonim kurrë Ligën e Kampionëve. Nuk do të arrinim kurrë në finalen e Ligës së Kampionëve. Asnjëherë”, ka thënë fillimisht Mourinho.
Fenerbahce e Mourinhos tashmë do të hyjë automatikisht në Ligën e Evropës, pasi nuk arriti të kualifikohet në Ligën e Kampionëve.
“Ne shkojmë në Ligën e Evropës dhe në Ligën e Evropës nëse… nëse… nuk dua të them pjesën tjetër. Preferoj të qëndroj në nëse. Por, nëse ne mund të bëjmë një Ligë të Evropës të madhe nëse, nëse nuk mund të flas më shumë se nëse jo”.
I pyetur se çfarë do të thoshte me ‘nëse’, Mourinho u përgjigj: “Nëse doni të dini më shumë për nëse. Unë ju ftoj të shikoni Roma-Sevilla në finalen e Ligës së Evropës 2022-2023 dhe i kuptoni nëse”.
