Ish-ministrja e Arsimit, Hykmete Bajrami ka replikuar me zëvendësministrin e Arsimit, Taulant Kelmendi lidhur me projektin e digjitalizimit të arsimit në vlerë 5.6 milionë euro.
Bajrami në një status në Facebook, i ka quajtur manipulanta zyrtarët e LVV-së, përfshirë këtu edhe zëvendësministrin Kelmendi.
“Pyeteni Jusuf Thaçin për këtë projekt të vitit 2014-2017. Pyeteni Arben Vitinë si e ka ditë ai për këtë projekt dhe lidhjen e tij me Bekim Kasumin, që e ka implementu këtë projekt”, ka shkruar Bajrami.
Deputetja e LDK-së, tutje ka theksuar se në MASHT ajo ka qenë ministre 4 muaj dhe se e ka ndaluar fazën e dytë të këtij projekti.
“Unë në MASHT kam qenë ministre 4 muaj dhe e kam ndalu fazën e dytë të këtij projekti. Për projektin unë jam deklaru, shih artikullin në Kallxo.com të datës 9 prill 2020”, ka shkruar Bajrami.
