Një sherr mes adoleshentëve pranë shkollës “Fan Noli” në Tiranë ka përfunduar në tragjedi.
Njëri nga adoleshentët e përfshirë në sherrin me thika ka ndërruar jetë.
Sipas burimeve në media, 14-vjeçari kishte marrë një plagë në zemër. Viktima është shtetasi me inicialet M. C.
Ndërkohë, i plagosuri tjetër, i cili ka marrë plagë në gjoks, është në gjendje të qëndrueshme.
Tiranë/Informacion paraprak
Më datë 18.11.2024, rreth orës 13:10, në rrugën “Qema Stafa”, rreth 200-300 metra larg shkollës “Fan Noli” janë konfliktuar 3 shtetas të moshës 14 vjeç.
Si pasojë e dëmtimeve të marra gjatë konfliktit, ka ndërruar jetë njëri prej tyre ndërsa tjetri ndodhet në spital, në kujdesin e mjekëve.
Është shoqëruar njëri nga autorët e dyshuar, ndërsa grupi hetimor po vijon punën për sqarimin e rrethanave të konfliktit.
