Alexis Mac Allister ka zbuluar se ishte Mohamed Salah ai i cili i dha lajmin atij për vendimin e Jurgen Klopp për t’u larguar nga Liverpooli në janar, duke shtuar se ky lajm befasoi të gjithë ekipin.
Klopp kishte njoftuar publikisht të premten e 26 janarit se do të largohej nga ‘Anfield’ në fund të sezonit dhe këtë ua kishte bërë të ditur lojtarëve në një takim pak kohë para se zyrtarët e klubit ta organizonin një konferencë për shtyp.
Mac Allister zbuloi se si kishte qenë i informuar për qëllimet e Kloppit më herët këtë vit nga Salah, vetëm pak para se trajneri ta komunikonte vendimin e tij para lojtarëve.
“Ishte mjaft e çuditshme dhe kur mbërrita në stërvitje isha afër Salah në zhveshtore kështu që e pyeta se çfarë po ndodh se ai më tha se trajneri po largohet”.
“Nga Mo Salah, po. Por ishte një befasi sepse askush nuk e priste këtë. Mendoj se gjatë asaj kohe ne ishim në vend të parë ose të dytë në ligë kështu që ishte një moment i mirë dhe nuk kishte ndonjë arsye për t’u larguar”.
“Por po, ne kishim një takim dhe ai na shpjegoi se do të largohej dhe ne duhej ta pranonim këtë”, ka thënë argjentinasi.
“Mendoj se të gjithë ishin të shokuar sepse askush nuk e priste këtë. Përse po largohet ai? Por ne e kuptuam se ishte vendimi i tij, ai po largohej dhe ne e respektuam atë dhe ai e fitoi të drejtën për të bërë çfarëdo që dëshironte”, përfundoi ai.
