Ministria për Punë të Brendshme njofton se gjatë ditës së djeshme 23.01.2025 në ora 13:45 në SPB Shkup është raportuar se në bulevardin “Goce Dellçev” në Shkup ka ndodhur një aksident trafiku, në të cilin automjeti “BMW” me targa të Shkupit i drejtuar nga S.H (65) nga Shkupi, është përplasur me autobusin “MAN” të parkuar me targa të Shkupit, i drejtuar nga D.S.(56) nga fshati Krushopek, rajoni i Shkupit.
Në aksident lëndime të rënda ka pësuar një pasagjerja në autobus, L.P.S., të cilat janë konstatuar në Kompleksin klinika “Nënë Tereza” në Shkup. Policia ka kryer hetim në vendin e ngjarjes.
