Shkup, 5 shkurt – Një delegacion me deputetë të Kuvendit të Shqipërisë zhvilluan sot një takim në Uashington me kongresmenët Robert Aderholt dhe Pete Sessions.
Duke informuar mbi këtë takim, deputeti i Partisë Socialiste Damian Gjiknuri u shpreh se në fokus të takimit ishte mbështetja e vazhdueshme e administratës amerikane për Shqipërinë.
Po ashtu, sipas tij, në takim u diskutua edhe mbi thellimin e bashkëpunimit në fusha të sigurisë dhe partneritetit euroatlantik.
“Mbështetja e vazhdueshme e administratës amerikane për Shqipërinë, sfidat e përbashkëta dhe thellimi i bashkëpunimit në fusha të sigurisë e partneritetit euroatlantik ishin në qendër të diskutimeve,” tha Gjiknuri.
/m.m/a.f/r.e/
