Komuna e Gjilanit ka njoftuar se po vazhdojnë punimet në fshatin Pogragjë për ndërtimin e pusit për ujë të pijes, me stacion pompimi, trafo elektrike dhe rrjetin rreth 1 kilometër.
Kryetari i komunës, Alban Hyseni, tregoi se me një vlerë prej rreth 50 mijë euro, gjatësi të rrjetit prej 1 kilometër, si dhe ndërtimin e një pusi të ri me stacion pompimi dhe trafo elektrike, janë në përfundim të një projekti për përmirësimin e furnizimit me ujë në fshatin Pogragjë.
“Ky investim është pjesë e angazhimit tonë për të siguruar kushte më të mira për të gjithë banorët, kudo në komunën tonë. Nuk ka zona të harruara—secili fshat, çdo lagje dhe çdo familje meriton shërbime të cilësisë së lartë”, tha Alban Hyseni.
I pari i Gjilanit, premton infrastrukturë më e mirë, zgjidhje afatgjata për furnizimin me ujë dhe investime në çdo pjesë të Gjilanit.
